الجو مجنون في هذي الايام, من الساعة 12 الى شروق الشمس, صحيح فيه شوية غبار لكنه رررووووووووعععععةةةةةةة,
اول مره احس اني اتنفس اوكسجين, وان الرؤية واضحة, الجو مره ينفع للme-time و للحظات التصافي , مافيه اي مؤثرات تعكّر المزاج,
انجووي مع من تحبون ,
\\ قريباً .. أتمنى
هذا الكلام كان في 11- ديسمبر-2007 ! والحين 1 اوكتوبر 2008 !! وين سوون فيه !
well,
مدري من وين ابتدي, هذا العنوان اول ماقريته في البيرسونال مسج لنوال خطر في بالي وطني الحبيب وبشكل اخص القيادات في كل جزء من اجزاء حياتنا ابتداء من الاسرة الى فوق, وكيف ان الشباب معطّل دورهم في المجتمع لايُؤمَن بهم ولا يُعتمد عليهم, وكيف ان بعض العقول تبي تعيش زي ماكنا قبل 50 سنة وهذا شي مستحيل مع الانقتاح واختلاط الثقافات, وكيف صار خلط بين الاسلام والتراث , وكيف وكيف وكيف الخ من سلبيات غبية
ولاسباب عدة ماكان لي خلق اكتب خصووصا انه كلامي بهذا الخصوص كثير, بعدين جاء اليوم الوطني ورجع لي هذاك الحماس انه لازم اكتب وجهة نظري في الموضوع, لكن صراحة هالمره انا مسوية لنفسي شت داون ولاهمني , هذا الشت داون الحمدلله ريحني بصراحة من اشياء كثيرة كانت مسوية لي قلق وانا مالي دخل فيها, وكما اوضحت في تدوينة سابقة انه اهم شي الان اصلاح نفسي وبكيف العالم, صراحة صارت عندي اجابتين وحده تنقال لاي سالفة من سوالف النقد في المجتمع والثانية لاي سالفة من سوالف العالم العربي, ج1: وكأني كير>>مقتبسة من ليلى, ج2: الشعب هو اللي اختار رئيسهم اذا مو عاجبهم ليش مايقلعّونه!
الحلول موجودة والمصادر موجودة والقوى موجودة بس يبي لها تشغيل واستفادة قصوى منها,
ميبي هذا شي بسيط من الحلول,,
ويارب تنّور لنا عقولنا وقلوبنا,
1- تعيش مع شخص ثرثار
2- أوعد بزر بأي شي
3- اذا انت فاضي وتعيش مع شخص مشغول او العكس
4- وانت نايم وفيه ناس يسولفون على راسك ويقولون اسمك >> هذي الحركة من جد تقهرنيييييييي, صرنا اذا فيه عيال اختي مانناديهم باسمائهم عشان ماينتبهون, نسميهم الوسط والصغير ههههههههههههه
5- خل احد يراقبك 24 ساعة ويتلقف عليك, >> هذي مو مضمون تموت شوي شوي, يمكن بسرعة ويمكن تقتل الملقوف على حسب الاعصاب لول
انتهى, وقابل للتحديث ..
ويل, قبل رمضان قررت اتغير, التغيير يشمل كل شي يخصني واكثر شي داخلياً (في الشخصية)
وكانت اول خطة التغيير هي تغيير خطتي القديمة للتغيير , >> هذا الاسلوب لازم يتغير بعد هههههههههه
من زمان كل مانويت اتغير اروح اتروش اول شي كـبداية للنيو ستارت, واحط اهدافي واقسّم اللعبة والخطط في راسي, ويستمر التنفيذ حتى يأتي اليوم الذي اصحى فيه ومزاجي معكّر وانسى التغيير, اطول فترة استمرت فيها هي اسبوعين.
من يصدّق ان الاشياء الصغيرة تحدذ فرق ؟! أنا مااصدق, ليه؟مدري ! لكن اذا جربت ولاحظت التغيير اصدّق هههههههه يكون التصديق وقتها عن قناعة وتجربة لول
الخلاصة انه قررت انا واختي نكتب اهدافنا بشكل واضح في مكان واضح, بالنسبة لي سويت لي بورد وحطيت فيها احلامي واهدافي طويلة المدى, وللاشياء الصغيرة اكتبها على درج المكتب,
صراحة الى الآن احس اني تنظمّت داخليا وصار فيه ويت واضح للاشياء المهمة واللي مو مره مهمة, صراحة بديت احس ان الاشياء تكلمني, حسيت اني امرأة اعمال وهذي مديرة مكتبي قاعدة تعلمني وش عندي في جدولي,
المضحك في الموضوع انه قلبت الموضوع الى لعب, وصرت اتخيل كل شي قدامي يكلمني, كل شي على حسب تخصصه, اللي يمزح واللي يشجّع واللي ساكت ههههههههههه, بصراحة الحركة هذي احلى ب 900 مره من الكلام مع نفسي قدام المراية ههههههههههههههههههههههه, وان شاء الله مافيه سلبيه من هذي الحركة, يعني بتحليل بسيط راح تساعد هذي الحركة في تنشيّط الترميز في الذاكرة وربط الاشياء, يعني يحرك شوي الذاكرة ويقويها, خصوصا انه الحين صايرة سوبر نسّايه وهذا قطعا راح يأثر ع العلاقات الاجتماعية >>هذا الكلام يقوله … (نسيت اسمه) في كتابه كيف تكسب الاصدقاء, انه وحده من الطرق للكسبهي انك تتذكر اسمه وتسوي له بروفايل من اول لقاء واذا قابلته بعدين تناديه باسمه الاول او الاسم اللي يحبه!
ويل, اتوقع انه انتهى,
الله ييسر لنا الخير جميعاً.
كم مره في حياتك اتخذت قرار؟
كم مره في حياتك نفذّت وعدك؟
كم مره في حياتك حسيّت انك قوي ؟
ماعندي شي أقوله بس حسيت انه لازم الواحد يعرف حدوده, لذلك أنا آسفة لكل وعد قلته ولانفذتّه, ولامزيد من الوعود.
انتهى.
حصلت لي عدة أحداث كذا ترتيبها الزمني:
1- “تفائلوا بالخير تجدوه”
2- حضرت دورة للتفكير الايجابي, وتعريف الشخص الايجابي وتأثير اللاوعي على الانسان, (للفائدة من اللي اذكره من الشرح: ان الوعي يتغذى من الاشياء الخارجية اللي ينتبه لها وتمثل 7% اتوقع, واللاوعي يتغذى من الخيال بنسبة 93% والحلو فيه انه مايفرق بين الصدق والكذب, لذك نشوف في البرمجة العصبية يشتغلون عليه) آسفة ع الاسلوب الرائع في طرح الفكرة, لكن اذا حصل لكم تحضرون دورة زي كذا او تقرون عنها فلاتفوتون الفرصة,
3- اختي تسولف لي عن حلقة أوبرا عن الدريم بورد (بورد اكتبي عليها احلامك وراح توصلينها باذن الله)
4- أخوي يسولف لنا قانون الجذب وعن مواقف حصلت له بعد التطبيق,
الى هنا انتهت الاحداث, وطلعت لي تساؤلات غبية مثل مايسميها البعض,
تساؤل 1: الحالات اللي فوق كلها متشابهه من منظور انك تحددين الهدف وتروحين له, لكن هل حالتي ثنك وقت think & get تعتبر من فصيلة الحالات اللي فوق؟ ليش التساؤل؟ لان حالة ثنك وقت تصير لي على اشياء تخطر على بالي فجأة وبعد شوي الاقيها قدامي (أمثلة كثيرة: مره في الظهر تقريبا ابي اسوي طبخة وفيها كراث وبيتنا له سنوات مادخل فيه كراث, وعلى طول بطلّت اسوي الطبخة, على المغرب الا جيراننا اللي ماعمرهم ارسلوا لنا شي مرسلين كذا شي ومنها كراّث, مثال 2: مره كنت اسوي شغلة ومركزة فيها وفجأة يجي على بالي قصة كانت في تقرير في مجلة (معلومات اضافية : المجلة قديمة مره وفي القبو والقبو زي المستودع فيه كراتين كثيرة مليانه مجلات وكتيبات) واوكي تذكرتها ومشيتها وكملت شغلي, في آخر اليوم نزلت القبو والتفت ولقيت المجلة مفتوحة على الصفحة اللي فيها القصة, ومفتوحه واضح انها من الحوسة مو انه احد كان يتصفحها), مثال 3: قدام المراية اناظر خشتي وافكّر في موقف حصل لي مع امي مدري وش كنت ابي وهي كانت تقول لاتسوينه ماراح يضبط وانا متأكدة انه ناجح حتى لو بالغلط دايم ينجح, ومانجح معي الموضوع هع, فـ قاعدة اقول في نفسي سبحان الله مايتيسر الموضوع اذا كانت الام او الاب مو راضين عنه تماما, وفجأة في آخر اليوم أقرا الجريدة والاقي ندى الطاسان كاتبه هالاستنتاج في مقالها!, مثال 4: كذا فجاة جاء على بالي كاركتير, والاقيه في جريدة اليوم مكرر!, هذا غير مشاهد من افلام اتوقع كان يتفرج عليها فرعون يعني قديمة مره, وفوق كذا كنت في فترة مااعرف التليفزيون فيها وفجأة اقلب القنوات والاقي نفس المشهد اللي جاء على بالي),
الخلاصة من الامثلة اللي فوق انه مااحسها تنتمي لفصيلة الجذب, بالعكس احسها كأنك تشوف شي من المستقبل, او انها صدف بحته على اعتبار كل اللي جاء في بالي شي من الماضي ويمكن يوم شفته في نفس اليوم انتبهت له!,
مدري راسي عوّرني,,
رمضان مبارك للجميع, يارب اغفر لنا وارحمنا,
وشكرا لحنان اللي ذكرّتني انه عندي بلوق
السلام عليكم
Michael Phelps - 5 Secrets of Success
مقال رائع جدا جدا,
انجوي قرائته وان شاء الله بأعربه هنا,,
التعريب, (مو بالنص, لكن المحتوى بشكل عام)
مايكل فيلبز(وليس مايكل سكوفيلد لول) سبّاح كسب في اولمبياد بكين 8 ميداليات ذهبية, وهذا رققققم قياسي, (احس حامت كبده من الذهب والمراكز الاولى),
المقال اخذ مايكل كمثال للنجاح وبيّن وش سوا مايكل في طريقه لتحقيق هدفه وكيف تطبقه انت:
1- ثنك بيق (وليس ثنك بينك يافايو لول), أحلم بأقصى قوتك بالشي اللي من جد تبيه بدون اي افكار سلبيه, لاتحدد حلمك وخيالك بأي محددات, مايكل يقول”اذا حلمت بأقصى مدى تقدر تحلمه, فـ أي شي ممكن”
2-بريك ات داون,جزأه, اذا حددت هدفك الاساسي والكبير, فـ قسّم مراحل الوصول للهدف النهائي بخطط واهداف قصيرة المدى مع الوقت انت تتقدم وتوصلك لغايتك,
3- تصّور حلمك, فيليب في كتابه يقول: كل ماجيت بأنام تخيلت شكلي اسوي اللي ابيه بالضبط: يسبح ويسبح الين يخلص السباق”, انت عليك انك تتصور تحقيقك لحلمك كل ماجيت بتنام, التصور والتخيّل له تأثير قوي في برمجة افعالك بعدين
4- وورك هارد, اشتغل على تحقيق احلامك, فيليب يقول انه في الوقت مابين اولمبياد اثينا وسيدني يمكن مااخذ الا 4 او 5 ايام اوف وولااخذ اجازة صدقيه”
5- قيّم أدائك ومدى تقدمك,
ولاننسى التوكل على الله, والتفاؤل, وتصفية النية >> هذي من ابوي لول
الله ييسر لنا تحقيق آمالنا
أشياءات اكره اشوفها او اسمعها اوي اي شي
1- “وش بيقولون الناس عنا”, “بكره اذا سويتي هذا الشي بيتكلمون عليك الناس”, الناس والناس, ياناس خلوا كل واحد يعيش على راحته, اذا مو شي حرام ف ياليت كل واحد يحط في فمه آيس كريم كبر راسه ويسكت
2- “-كيف تسوين كذا مايصلح.
- ليه؟
- لانه محد قد سواها قبل”,
يعني مدري هل لازم نمشي على نفس الباثات اللي مشوا عليها اللي قبلنا؟ والا مدري فهموني؟!!
3- اذا كنا نسولف وقلت مثلا اني اكره صفة ما, تنط لي وحده “طيب انا كذا” والا ” طيب انا فيني هالصفة”؟
4- “انتي ماعندك ذوق”, “مافي راسك “ “انتي …” وت ايفر, اهم شي ان اول الجملة كلة انتي والباقي حكم صارم قاطع نهائي, وبكل ثقة, يعني ترى يجوز تستخدمين كلمة “يمكن” “بالنسبة لي”, “احس انه”, قبل الجملة لانه انتي تمثلين رايك بس ماله داعي القطعية والتحطيم لول
5- “ليش فلان يصير احسن مني”, “ليش فلان يعامل فلان احسن مني”, المقارنات اللي ماتنتهي , وكأن الناس سواسية لول
6- “كيف فلان الزين تزوج فلانة الشينة” لول او العكس, الزواج قسمة ونصيب
7- هذي الجملة قاهرتني من ايام مونديال اليابان اللي انصكت فيه السعودية 8-0, لول وكان بالجريدة كاتبين عادي انه انهزمنا حتى شوفوا فرنسا طلعت من الدور الاول بالضبط مثلنا, مافيه مجال للمقارنة ياعالم فرنسا توها شبعانة ماخذه الكاس , واي جملة على هذا المنوال تقهرني المقارنات اللي تبي ريال
8- القصص المفبركة ع الدين, وكأن الدين ناقص وماراح يكمل الا بهالاكاذيب
9-”what is the plan” , “وش بتسوين”, و أي سؤال يخصني في المستقبل, لسببين: مالكم دخل لول, 2- اول مااتكلم بخططي فماانفذها ابدا لول ويمكن لسببين: لاني افقد الحماس الداخلي اذا طلعت برا لول, 2- بمجرد ماقلتها احس انها خلاص تنفذت وصارت من الماضي لول
الباقي سوون لول اشتقت لكلمة سوون من زمان ماقلتها
الله يحقق لنا كل الاماني ويوفقنا
هذي الايام اعيش حالة ثنك و قت think & get , { مالها دخل بالسالفة }
السالفة الحقيقية هي اني احس انه عادي اقتل اي شخص 
, ادري انه شي مجنون, لكن احس انه لو اقتل اي احد في الوقت الحالي ماراح يأنني ضميري للابد !,
وبسبب هذا الاحساس تأكدت لي حاجتين:
1- ان الاعلام وخصوصا الافلام تلعب دور في غسل الافكار بشكل مو طبيعي, يعني امس بس شفت 3 ساعات متواصلة من فيلم فكرته الاساسية الانتقام, والى الان مازلت اعيش في جو الفيلم وودي اسوي زيهم لول
2- انه لو آمنت حقيقة باني راح اقدر اسلب اي شخص حياته في يوم من الايام وببرود اعصاب, فـ راح يتحقق هذا الشي,
لذلك انا خايفة من عقلي الباطن ومن قوة تأثيره على تصرفاتي,
يارب رضاك والجنة
(على فكرة اشتقت كثير لكم و للبلوق, وشكرا لكل من يقرا ويعلّق)
Never Make Decision When You Angry , Never Make Promise When You Happy !
