أكره العرب وسياساتهم السوبر غبيه وحمقاء الخ
أكرهكم ياعرب وافتخر,
– التعميم شر: الا الكرماء,
بس من جد اتكلم ياعرب تراني اكرهكم,
السبب: من زمان اكرهكم ومن جد تثبّت الوضع بعد غزة, الله يكون في عونهم,
لاتنسون, أنا اكرهكم : )
على درج مكتبي, كنت ابي اخليه to do list وفي نفس الوقت تفريغ لحالات المزاج العديدة
لكني اكتشفت مع الوقت انها صارت not to do list وان اي مسج وتفريغ ماله اي نتيجة ايجابية
المهم اني مره عصبت وطفشت من هذا البورد وقلت باكتب شي انا ماأتجرأ امسحه, وفعلا الحمدلله اني كتبته, جدن كانت فعّالة
وبس !
وش اكثر شي يزعجك اكثر من انزعاجك لما يكون داخلك تيارات ودوامات سوبر اكتف وجسمك وصل لحالة سوبر خمول ؟
علمانية جسدية ؟ والا غضب داخلي تكون من مشكلة صغيرة ولانها مالقت حل في الوقت المتاح تكون هالغضب وحاس الدنيا معه؟
طيب وش تسوي اذا كنت من جد حاس بهذي الحالة ولاتقدر تعترف بحل غير انك تمسك اي احد وتصفقه ؟ او تتمنى تشبك نفسك بفيش كهرب ويمرك تيار كهربي ويتفرغ في الارض؟
طيب وش تسوي اذا كنت عارف الحل الصحيح اللي هو الانجاز لكن تتمنى يجيك دافع داخلي يخليك شعلة نشاط ايجابية وتنهي على التودو لست ؟
او يمكن تبي تحس انه فيه احد يحس بك ويسأل عنك ؟
او يمكن تبي تشيل الخوف من المستقبل من راسك؟
حاليا كل اللي اتمنى اني اسويه اني آخذ اغراضي واطلع لوحدي في أي مكان واعيد ترتيب نفسي ,
لكني خايفة ماارجع ,
يارب يارب يارب رضاك والجنة, يااااااااارب اعرف وش اللي فيني واتخلص منه
تحبوني ؟
فيني طاقة حرارية للطيش
أبي اسوي كل شي غلط, واسوي كل شي صح بالطريقة الخطأ
أبي اتعمد الخطا واستمتع به
الله يهديني ويصلحني 
السلام عليكم
4 أيام ووفيني طاقة كامنة وحركية ونوايا كلها شر,
أعرف انها حالة وتعدي واعرف انه افضل لي اسكت واعرف كيف المفروض اتعامل معها
بس هذي المره غير
هذي المره لازم افرغها في كل شخص مسوي لي فاهم وهو يعاني من حالة عسر فهم شديدة
وكل شخص مسوي لي فيها أفهم مني في اشياء سخيفة حتى مايعرف منها الا اسمها
وكل شخص مسوي لي فيها رأيي هو الصح ورأيي مو مجرد رأي وانما أمر غصب عن الجميع يمدحونه اولا وينفذونه ثانيا
وكل شخص يسوي لي فيها يقدم راي العادات والتقاليد السقيمة اللي عندنا و رأي الشرع اللي ماعنده مشكل في هذا الشي مايمشي
وكل شخص يأجل فرصة ماتجيه الا مره في حياته والعذر “…”
وكل شخص حريص انه يملع الالماسة اللي في راسه وانها ماتتأثر بعوامل التعرية عشان مايدخله برد من راسه
وكل شخص يتكلم بأحكام قطعية عن اشياء واشخاص مايعرفهم وياناس ترى انا افهم منكم
وكل شخص فاهم الوضع وعنده فرصة للتغيير بس ينتظر التغيير يجيه من برا
وكل شخص يثرثر على راسي بسواليف ماله داعي
وكل شخص يكذب علي
وكل شخص يخاف من المغامرة واغتنام الفرص
وكل شخص يشوف نفسه اقل من غيره ويمنع نفسه من حقوقه
وكل شخص يكذب ويوعد بأشياء تؤثر ع مستقبل شخص ثاني
وكل شخص يتخذ قرارات غبية ويقول “ربي ماكتب”
وكل شخص ينتظر النجاح يجيه ركض
وكل شخص يحسب نفسه بيعيش حياة طويلة
وكل شخص يدور الاعذار عشان يريح نفسه
وكل شخص يرسم لنفسه حدود ويقول انا مااقدر اتخطاها وكأن الانسان له حدود !
هو الصبر اللي له حدود, لذللك بدل لمعة الحب اللي دايم في عيوني بأبدلها بلمعة شر وارتاح من المجاملة وقلة الحياء
يارب طوّل بالي وأفرغ علينا صبرا وألحقنا بالصالحين,
ويارب حقق لي كل أحلامي ويسر لي كل الخير
ويارب ندخل الجنة كلنا بغير حساب
– سوون ان شاء الله بتاريخ 28-10-2007 !! من جد سوون !
اليوم الصباح في موقف لايتعدى جزء من الثانية صدّقت ان الحب كان أقوى من محاولاتي للتجاهل والنسيان,
وصدّقت ان الحب مو حلم ,
يارب تجمعنا مع من نحب في الجنة,
الجو مجنون في هذي الايام, من الساعة 12 الى شروق الشمس, صحيح فيه شوية غبار لكنه رررووووووووعععععةةةةةةة,
اول مره احس اني اتنفس اوكسجين, وان الرؤية واضحة, الجو مره ينفع للme-time و للحظات التصافي , مافيه اي مؤثرات تعكّر المزاج,
انجووي مع من تحبون ,
\\ قريباً .. أتمنى
هذا الكلام كان في 11- ديسمبر-2007 ! والحين 1 اوكتوبر 2008 !! وين سوون فيه !
well,
مدري من وين ابتدي, هذا العنوان اول ماقريته في البيرسونال مسج لنوال خطر في بالي وطني الحبيب وبشكل اخص القيادات في كل جزء من اجزاء حياتنا ابتداء من الاسرة الى فوق, وكيف ان الشباب معطّل دورهم في المجتمع لايُؤمَن بهم ولا يُعتمد عليهم, وكيف ان بعض العقول تبي تعيش زي ماكنا قبل 50 سنة وهذا شي مستحيل مع الانقتاح واختلاط الثقافات, وكيف صار خلط بين الاسلام والتراث , وكيف وكيف وكيف الخ من سلبيات غبية
ولاسباب عدة ماكان لي خلق اكتب خصووصا انه كلامي بهذا الخصوص كثير, بعدين جاء اليوم الوطني ورجع لي هذاك الحماس انه لازم اكتب وجهة نظري في الموضوع, لكن صراحة هالمره انا مسوية لنفسي شت داون ولاهمني , هذا الشت داون الحمدلله ريحني بصراحة من اشياء كثيرة كانت مسوية لي قلق وانا مالي دخل فيها, وكما اوضحت في تدوينة سابقة انه اهم شي الان اصلاح نفسي وبكيف العالم, صراحة صارت عندي اجابتين وحده تنقال لاي سالفة من سوالف النقد في المجتمع والثانية لاي سالفة من سوالف العالم العربي, ج1: وكأني كير>>مقتبسة من ليلى, ج2: الشعب هو اللي اختار رئيسهم اذا مو عاجبهم ليش مايقلعّونه!
الحلول موجودة والمصادر موجودة والقوى موجودة بس يبي لها تشغيل واستفادة قصوى منها,
ميبي هذا شي بسيط من الحلول,,
ويارب تنّور لنا عقولنا وقلوبنا,
1- تعيش مع شخص ثرثار
2- أوعد بزر بأي شي
3- اذا انت فاضي وتعيش مع شخص مشغول او العكس
4- وانت نايم وفيه ناس يسولفون على راسك ويقولون اسمك >> هذي الحركة من جد تقهرنيييييييي, صرنا اذا فيه عيال اختي مانناديهم باسمائهم عشان ماينتبهون, نسميهم الوسط والصغير ههههههههههههه
5- خل احد يراقبك 24 ساعة ويتلقف عليك, >> هذي مو مضمون تموت شوي شوي, يمكن بسرعة ويمكن تقتل الملقوف على حسب الاعصاب لول
انتهى, وقابل للتحديث ..
ويل, قبل رمضان قررت اتغير, التغيير يشمل كل شي يخصني واكثر شي داخلياً (في الشخصية)
وكانت اول خطة التغيير هي تغيير خطتي القديمة للتغيير , >> هذا الاسلوب لازم يتغير بعد هههههههههه
من زمان كل مانويت اتغير اروح اتروش اول شي كـبداية للنيو ستارت, واحط اهدافي واقسّم اللعبة والخطط في راسي, ويستمر التنفيذ حتى يأتي اليوم الذي اصحى فيه ومزاجي معكّر وانسى التغيير, اطول فترة استمرت فيها هي اسبوعين.
من يصدّق ان الاشياء الصغيرة تحدذ فرق ؟! أنا مااصدق, ليه؟مدري ! لكن اذا جربت ولاحظت التغيير اصدّق هههههههه يكون التصديق وقتها عن قناعة وتجربة لول
الخلاصة انه قررت انا واختي نكتب اهدافنا بشكل واضح في مكان واضح, بالنسبة لي سويت لي بورد وحطيت فيها احلامي واهدافي طويلة المدى, وللاشياء الصغيرة اكتبها على درج المكتب,
صراحة الى الآن احس اني تنظمّت داخليا وصار فيه ويت واضح للاشياء المهمة واللي مو مره مهمة, صراحة بديت احس ان الاشياء تكلمني, حسيت اني امرأة اعمال وهذي مديرة مكتبي قاعدة تعلمني وش عندي في جدولي,
المضحك في الموضوع انه قلبت الموضوع الى لعب, وصرت اتخيل كل شي قدامي يكلمني, كل شي على حسب تخصصه, اللي يمزح واللي يشجّع واللي ساكت ههههههههههه, بصراحة الحركة هذي احلى ب 900 مره من الكلام مع نفسي قدام المراية ههههههههههههههههههههههه, وان شاء الله مافيه سلبيه من هذي الحركة, يعني بتحليل بسيط راح تساعد هذي الحركة في تنشيّط الترميز في الذاكرة وربط الاشياء, يعني يحرك شوي الذاكرة ويقويها, خصوصا انه الحين صايرة سوبر نسّايه وهذا قطعا راح يأثر ع العلاقات الاجتماعية >>هذا الكلام يقوله … (نسيت اسمه) في كتابه كيف تكسب الاصدقاء, انه وحده من الطرق للكسبهي انك تتذكر اسمه وتسوي له بروفايل من اول لقاء واذا قابلته بعدين تناديه باسمه الاول او الاسم اللي يحبه!
ويل, اتوقع انه انتهى,
الله ييسر لنا الخير جميعاً.
